Баба вэб портал

Санал

batbold — Fri, 07 Nov 2014 06:51:23 GMT

Настайвтар эхнэр нөхөр хоёр ярилцаж сууна гэнэ. Нөхөр:
- Хонгор минь чи бид хоёр олон жил хамт амьдарлаа. Энэ хооронд чи миний араар тавьж байв уу? Одоо хэлвэл би чамайг уучилна гэж амлаж байна. Эхнэр:
- Тийм бол би чамайг ердөө гуравхан удаа мэхэлсэн.
- Эхнийх нь юунаас болсон юм?
- Чи машины осолд ороод яаралтай мэс засал хийлгэх хэрэгтэй болоход эмч нар хийхгүй гээд байсныг санаж байна уу? Тэгэж байснаа ерөнхий эмч нь гэнэт өөрөө чамд мэс засал хийж өгсөн шүү дээ.
- Миний амь насыг аврахын төлөө болохоор би чамайгаа уучлалгүй яахав. Тэгвэл хоёр дахь удаад нь?
- Банкнаас зээл авах гэсэн чинь өгөхгүй байсныг санаж байгаа биз дээ? Тэгж байснаа банкных нь захирал гэнэт чамд хүүгүй, хугацаагүй зээл өгөөгүй юу.
- Сайн сайхан амьдралын төлөө болохоор хоёр дахь удаагийн мэхлэлтийг чинь ч гэсэн уучилж байна. Харин гурав дахь удаад нь?
- Чи УИХ-д нэрээ дэвшүүлээд ялахад ердөө 49 хүний санал дутаад байсныг санаж байна уу…

Үнсэлт

batbold — Fri, 07 Nov 2014 06:50:53 GMT

Охин:
- Намайг үнсэх л юм бол би үүрд чинийх болно!
Хүү:
- Анхааруулсанд баярлалаа…

Явган аялал

batbold — Fri, 07 Nov 2014 06:49:39 GMT

Ээж нь явган аялалд явах хүүдээ хүнсийг нь бэлдэж өгч байна гэнэ.
- Май энэ хоёр зүсэм талх, 10 ш ёотон.
- Энэ том дэрээр яах юм?
- Үүргэвч чинь шалчийчихаад хүн харахад эвгүй ш дээ…

Эрсдэл

batbold — Fri, 07 Nov 2014 06:48:48 GMT

- Та амьдралдаа ямар нэгэн зориг шалгасан эрсдэлтэй үйлдэл хийж байсан уу?
- Хийж байсаан. Нэг удаа тооны хичээл дээр гараа өргөж байж билээ…

Adobe dreamweaver 6 татах

batbold — Thu, 06 Nov 2014 09:19:24 GMT

Анхлан вэб суралцагч ч бай мэргэжлийн вэбмастер ч бай вэб урлахад хамгийн дєхєм, мэргэжлийн програм бол Macromedia Dreamweaver гэдэгтэй санал нийлэх бизээ. Урьд нь вэбсайтыг хийхэд ямар ч загвар ашиглахгvй, зєвхєн код бичдэг байсан тул цаг хугацаа болоод мєнгє хэмнэх тухай ярих ч юм биш. Харин Adobe Dreamweaver гарч ирснээс хойш энгийн статик байтугай мэргэжлийн бvрэн динамик сайтыг хийхэд ч хялбар болгосон юм.

Татах хаяг

http://share.time.mn/download.shtml?id=7hskt0h68f0q7efv418qqlql3n
http://share.time.mn/download.shtml?id=7sth83qvpktbtdpgue53h6f5i1

Амьд цэцгийг хэрхэн удаан хадгалах вэ?

batbold — Thu, 06 Nov 2014 08:51:38 GMT

Цэцэг авах дургүй бүсгүй хүн бий гэж үү? Бэлэглэх дуртай эрчүүд олон байгаа байх. Төрсөн өдөр, тэмдэглэлт ой, хурим, шинэ жил, бүсгүйчүүдийн баяр эсвэл зүгээр л энгийн өдөр ч гэсэн хамаагүй бэлгэнд авсан амьд цэцэгнүүдээ гэртээ тавихад харагдах байдал нь ч, өрөөгөөр нэг тархах үнэр нь ч үнэхээр сайхан байдаг. Харин сэтгэлийг чинь сэргээсэн, анхилуун үнэрт тэр цэцгээ удаан хадгалахын тулд мэдэх ёстой хэд хэдэн бяцхан зүйлс бий.
Үүнд:
1. Цэцгээ аваад аль болох хурдан усанд хий.
2. Ваарандаа бага зэргийн бүлээн ус хийгээрэй. Хүйтэн, крантны ус цэцгийг хурдан үхүүлнэ.
3. Хамгаалах уусмал бэлдэж болно. 1л усан дээр чимх элсэр чихэр, 2-3 дусал цагаан цуу хийхэд хангалттай.
4. Белизна буюу хувцас цайруулагчийг литр ус тутамд амны халбаганы дөрөвний нэг хэмжээтэй байхаар тооцож хийгээрэй. Энэ нь шавьжнаас сэргийлж, бактерийг устгаж өгдөг.
5. Цэцэгний усыг өдөрт нэг удаа солино.
6. Цэцгийг анх вааранд хийхдээ хурц хутга эсвэл хайчаар ташуу тэгш зүсч хийвэл илүү удаан амьдарна.
7. Цэцгэнд орон зай хэрэгтэй. Хэт олон цэцэг нэг вааранд байвал хурдан үхнэ. Тиймээс нэг вааранд 10-аас дээш цэцэг хийх хэрэггүй.
8. Усан дотор нь нэг ширхэг аспирин хийвэл удаан амьдрахад тусална.
9. Нарны шууд тусгалаас хол байлгаж, ваарыг цэвэрхэн байхад анхаараарай.

Төрсний дараа жингээ эрүүл хасах 14 зөвлөгөө

batbold — Wed, 05 Nov 2014 04:02:12 GMT

Эмэгтэйчүүд жирэмсэн болоод багадаа ойролцоогоор 11-15кг нэмдэг. Төрсний дараа хуучин галбиртаа буцаад орохыг яардаг нь мэдээж. Ким Кардашиан, Биёонсе гээд бидний таньдаг одууд төрөөд л маргааш нь гэхэд хэвийн байдалдаа орсон харагддаг. Гэхдээ бодит байдал тийм биш. Та хүүхдээ болон өөрийгөө эрүүл байлгах үүднээс зөв аргаар турах нь маш чухал. Тиймээс таньд зориулан 14 эрүүл турах зөвлөгөөг хүргэж байна.
1. Бүү яар.
Төрснийхөө маргаашаас эхлэн турахыг хүсэж, дасгал хийж, өглөөгүүр гүйнэ гэж төлөвлөж байвал та маш буруу бодож байна. Та өөртөө бүрэн илаарших хангалттай хугацаа өгөх хэрэгтэй. Таны бие хэвийн байдалдаа ортол багадаа 5-8 долоо хоног хэрэгтэй. Үүний дараагаас л жингээ хасах тухай бодож эхлээрэй.
2. Стрессээ багасга.
Бага стресстэх нь шууд жин хасахад нөлөөлөхгүй ч гэлээ стрессээс үүдэлтэй сөрөг нөлөөнүүдийг багасгана. Жишээ нь та хэт их турах тухай бодож стресствэл их идэж, буруу хооллож, турах итгэл найдвараа алдана. Үүнээс сэргийлэхийн тулд та хүүхэдтэйгээ өдөр бүр салхилж байгаарай. Нар болон цэвэр агаар таны сэтгэл санааг өдөр бүр тайтгаруулж өөдрөг байлгах болно. Мөн та ойрхон алхаж, дуртай цайгаа ууж, ном юм уу сэтгүүл уншиж, тайтгаруулах хөгжим сонсож, найз нөхөдтэйгөө уулзаж, халуун усанд орж, бясалгал хийх зэргээр стрессээс зайлсхийгээрэй.
3. Сайн унтаж амар.
Ихэнх ээжүүд нойрны дутагдалд ордог. Сайн унтаж амрах нь таны бие илааршихад тустайгаас гадна сэтгэл санаа хямрахаас сэргийлнэ. Тиймээс хүүхдээ унтах үед нь дагаад хамт амарч байгаарай.
4. Тэвчээртэй бай.
Эмч нар сард 1.5 кг-аас ихээр жин хасахгүй байхыг зөвлөдөг. Хөхөөр хооллодог бол тэр тусам хоолоо сойж хурдан турахыг яарах нь буруу. Тиймээс тайван байж өөртөө хугацаа олго. Эхний 6 долоо хоногт өөрчлөлт гарна гэдэгт битгий найдаарай.
5. Байнга алхаж бай.
Та өөрийгөө бэлэн болсон гэж үзэж байвал өдөр бүр хөнгөхөн алхалт хийж байгаарай. Өдөрт найзтайгаа 15-30 мин алхаж байхыг зөвлөж байна. Мэдээж ганцаараа алхах боломж тэр бүр гарахгүй байх. Гэхдээ хүүхдээ тэврээд алхах нь бүүр илүү үр дүнтэй. Хүүхэд тань цэвэр агаарт гарна мөн та улам ихээр илүүдэл өөх тосоо шатаах болно.
6. Сунгалтын дасгал хий.
Төрөл бүрийн өөрт амар байгаа сунгалтын дасгал хийгээрэй. Хэвийн галбиртаа эргэж ороход тустайгаас гадна чилсэн, хатуужсан булчингуудыг чинь суллаж өгнө.
7. Иогоор хичээллэ.
Бясалгал, зөв амьсгал, сунгалтын дасгалын хослол учраас иогоор хичээллэх нь төрөл бүрийн ашиг тустай.
8. Хялбар дасгалууд хийх.
2 сарын дараагаас эмч чинь хориглоогүй бол гэдэсний таталт, сууж босох, гүйх зэрэг хөнгөхөн дасгалууд хийж эхлээрэй.
9. Хүчний дасгал хийх.
Эхний 4-6 сарын дараагаас эхлэн та өөрийгөө бэлэн болсон гэж үзэж байвал илүүдэл өөхөө шатаах хүчний дасгал хийх хэрэгтэй. Хүүхдээ тэврээд гадуур алхах, хүүхэдтэйгээ шатаар өгсөхийг зөвлөж байна. Мөн өөртөө таарах гантилаар өдөрт 5 мин нэмэлт дасгал хийж болно.
10. Хүүхдээ хөхөөр хооллодог бол хангалттай сайн идэх хэрэгтэй.
Хүүхдээ хөхөөр хооллодог ээж өдөрт 300-500 нэмэлт калори хэрэглэх хэрэгтэй . Тиймээс хоолны дэглэм барихаас татгалз.
11. Хоолны дэглэмд хэт их бүү баригдаарай.
Та өдөрт 1000аас доош калори агуулсан хоол хүнс хэрэглэж болохгүй. Хөхөөр хооллодог бол 1800 доош байж болохгүй. Бага идэхийг хичээхээс илүү эрүүл хооллолтыг чухалчлаарай. Үнэхээр турахыг хүсэж байвал ядаж эхний сар өнгөрсний дараа 100-200 калори хасах боломжтой.
12. Багадаа өдөрт 3 удаа эрүүл хооллож байх.
Цаг барихгүй ч гэлээ өдөрт 5-6 удаа бага хэмжээгээр хооллож байх хэрэгтэй. Тэр тусмаа өглөөний цайг алгасаж болохгүй. Мөн дундуур нь жимс ногоо хэрэглэж байгаарай. Өглөөний цайндаа: Хоёр ширхэг бяслаг, бүхэл үрийн хар талх, нэг ширхэг өндөг, усан үзэмтэй хамт хэрэглэж байж болно.
13. Эрүүл зууш.
Хоолны завсраар хөнгөн зууш идэх нь таны сахарын хэмжээг тогтмол барьж хэт ихээр хоол идэхээс сэргийлнэ. Хөнгөн зуушиндаа: Зулзаган лууван Бүхэл үрийн хатаасан талх, жигнэмэг, бяслагтай лийр, зөгийн балтай алим, чанасан өндөг, өөх тос багатай иогурт...
14. Сахар болон өөх тос ихтэй хүнсээс татгалз.
Газтай ундаа, бялуу, сахар ихтэй жигнэмэг аль болох бага хэрэглээрэй.

Хайртай бол эргэж хараарай

batbold — Wed, 05 Nov 2014 03:50:30 GMT

Чив чимээгүйхэн дурсамж сэргэнэ
Чиний тухай бодол сэтгэлийг уяраана
Зөвхөн чиний л төлөө зүрх минь цохилдгийг
Зөн совингоороо мэдэрж байна уу
Анхны яргуй хаврын хайрыг сэтгэлд
Ариухан эмзэгхэн хайр чи надаас холдсон
Амьдралд тэмүүлсэн зүрхний минь цохилт
Алаг хорвоогийн үнэнийг мэдрүүлсэн

Сонсооч хамгийн энгийн ийм хайрыг
Хаанаас эрж хайж олох вэ

Зүрх сэтгэлд минь чиний
Зөөлөн уярам хоолой чинь үргэлж эгшиглэнэ
Энэ хайрын дууг минь
Зүрхээрээ сонсооч хайрт минь
Чиний үнэр хаврын салхи
Миний хайрын гэгээхэн дурсамжыг хөглөнөө
Энэ хайрын дууг минь
Зүрхээрээ сонсооч хайрт минь

Хэлээч хамгийн үнэн ийм хайрыг
Хаанаас эрж хайж олох вэ
Хайрын үнэнийг хайсаар чи минь явсан
Хамгийн ариун дурсамж болон үлдсэн
Амьдралд яарсан бидний гэнэн хайр минь
Аялгуут дуунд минь үүрд эгшиглэнэ
Хэлээч хамгийн үнэн энэ хайрыг
Хаанаас би эрж хайж олох вэ

Зүрх сэтгэлд минь чиний
Зөөлөн уярам хоолой чинь үргэлж эгшиглэнэ
Энэ хайрын дууг минь
Зүрхээрээ сонсооч хайрт минь
Чиний үнэр хаврын салхи
Миний хайрын гэгээхэн дурсамжыг хөглөнөө
Энэ хайрын дууг минь
Зүрхээрээ сонсооч хайрт минь

БҮСГҮЙ ХҮНИЙ ЭНЕРГИ ЯМАР БАЙХААС ТУХАЙН ГЭР БҮЛИЙН АМЬДРАЛ ШУУД ШАЛТГААЛДАГ

batbold — Tue, 04 Nov 2014 10:29:07 GMT

Эмэгтэй хүний энергийг хэрхэн хадгалах, бий болгох зарчим
Эртний судар бичигт бичсэнээр эмэгтэй хүний энерги манай дэлхийн үүслийн гол хүчин зүйл нь болсон аж. Тиймдээ ч бурхны бүтээсэн хамгийн дээд зүйл эх хүн, эмэгтэй хүн гэдэг шүү дээ. Хамгийн хүчирхэг, сайхан энергийг цогцлоож явдаг эмэгтэйчүүдийн энэхүү энерги эрчүүдэд дамжин эрч хүч хайрласнаар эрэгтэй хүн амжилт гаргаж зорилгодоо хүрэх үндэс болдог байна. Зарим эмэгтэй янз бүрийн шалтгаанаар энергээ алдсанаар таагүй зүйлстэй тулгардаг. Өөрийнх нь төдийгүй нөхрийнх нь ажил үйлс бүтэлгүйтэж, өвчин зовлон ээрэх нь суларсны шинж. Эмэгтэй хүний энерги хүрэлцээгүй, суларсан байгаагийн шинж тэмдэг тухайн гэр бүлийн амьдралд шууд нөлөөлдөг аж. Тиймээс ертөнцийн гэрэл гэгээ, энергийн эх үүсвэр болсон эмэгтэйчүүд энергиэ тогтмол төвлөрүүлж, бусдад түгээж явах ёстой юм. Эмэгтэй хүний энергийг хэрхэн хадгалах, бий болгох зарчмыг танилцуулж байна. Эдгээр зарчмын дийлэнхийг эртний ухаант мэргэд тунгаан боловсруулж судар бичигтээ уламжлан үлдээжээ. Орчин үеийн мэргэжилтнүүд ч мөн энергиэ хэрхэн сэргээж, түгээж болох аргуудыг оруулсан байна.

1. Даашинз банзал өмсч байх. Ингэснээр эмэгтэй хүний төрөлх энерги сэргэдэг.

2. Гар, хумсаа тогтмол арчилж, цэвэр байлгах. Үзэсгэлэнт гарыг үнсэх сайхан гэж эрчүүд ярьдаг. Сайхан гар сайхан энерги төвлөрүүлнэ.

3. Сайн зохиол унших. Ялангуяа хүний хувь заяаны тухай зохиол унших нь илүү ашигтай. Иймэрхүү ном уншсанаар өөрийгөө илүү мэдэж болно.

4. Бүжиглэ. Тэр тусмаа араб юм уу, латин америк бүжиг хамгийн тохиромжтой нь. Эмэгтэй хүний энерги, тачаангүй байдлыг улам цогцлоодог.

5. Дуу аялж заримдаа чанга дуулж бай.

6. Тогоочийн курст явах. Эмэгтэй хүний энергийг тодорхой түвшинд дээшлүүлдэг. Хэрвээ та гал тогооныхоо ажилд муу бол курст явж суралцсан нь дээр. Эмэгтэй хүн өөрийн гараар хоол бэлтгэж, хайртай хүмүүсээ дайлах нь энергийн эх үүсвэр.

7. Гол нуур, далайн эргээр зугаалах. Ус эмэгтэй хүнийг ямар ч нөхцөлд дасан зохицох чадвартай, хүчирхэг болгодог.

8. Цэцгийн баглаа худалдаж авах. Цэцэг эмэгтэй хүнийг аз жаргалтай болгохоос гадна сөрөг энергийг үргээдэг.

9. Хувцасны шүүгээгээ цэгцтэй байлгах. Хэрэггүй, хуучин хувцас, хэрэглэл эмэгтэй хүний энергийг султгадаг.

10. Ойрын өдрүүдэд юм уу сар, жилийнхээ төлөвлөгөөг гаргах. Ямар ч эмх замбараагүй байдал эмэгтэй хүнийг сүйтгэдэг. Хэрвээ та ингэж хэвшээгүй бол ядаж ойрын хэдэн хоногийн төлөвлөгөөгөө боловсруулаарай. Цаашид сар , жилээр нь гаргадаг болж болно.

11. Эрүүл зөв хооллолтын курст явж болно. Муу зуршлуудаас хол бай. Зөвхөн тамхи, согтууруулах ундаа ч бус залхуурал, хараалын хэллэг зэргийг хэрэглэдэг бол татгалз.

12. Сайн ,сайхан аж төрж буй хүмүүсийн талаар болон танин мэдэхүй, оюуныг цэнэглэж чадах мэдээлэл бүхий ном сэтгүүл унших. Элдэв хов жив, хар мэдээлэлтэй сэтгүүлээс хол байсан нь дээр.

13. Номын дэлгүүрүүдээр тогтмол зочилж бай. Орох болгондоо ном худалдан авах албагүй ч шинэ гарсан ном, зохиолын хуудсыг эргүүлэн орчин үетэйгээ хөл нийлүүл. Номын дэлгүүрээр зугаалах нь эмэгтэй хүнийг ихэд тайвшруулж, сайхан энергитэй болгодогийг мэргэжилтнүүд тогтоосон.

14. Явган зугаалгад цаг гаргаж бай. Ганцаараа юм уу, найз бүсгүйтэйгээ өдөрт ядаж хагас цаг агаар амьсгалан алх. Эмэгтэй хүн гал голомт хамгаалагч хэдий ч байгальтай тогтмол холбоотой байх хэрэгтэй.

15. Шувуу юм уу амьтан тэжээх. Мөн цэцэг тарьж ургуулах. Ялангуяа урт ургамал юм уу хоолсог ургамал илүү ээлтэй.

16. Дэлгүүр хэсэх. Заавал худалдан авалт хийх шаардлагагүй. Та дэлгүүрт байгаа элдвийн сайхныг харж , өмсч үзэн таалагдсан нэг зүйлээ удахгүй авна хэмээнэ төсөөлж болно. Үнэхээр л сэтгэлдээ дүрслэн явсан тэр зүйл удалгүй таных болох тийм их энерги эмэгтэйчүүдэд бий.

17. Найз бүсгүйчүүдээ цуглуулан юу ч хамаагүй хий. Зүгээр дэмий хөгжилдсөн ч болно. Ингэснээр та бүхэн энергиэ солилцоно гэсэн үг.

18. Йогоор хичээллэх. Эрэгтэй хүн дасгал хийдэг байлаа ч энергиэ хуваалцаж чаддаггүй. Харин эмэгтэй хүн төрөлх зохилдлогоороо сайхан бүхнээ бусдад түгээх чадвартай. Йогийн дасгал оюун ухааныг тайвшруулж, эрч хүчийг бий болгодог.

19. Буян үйлдэж бай. Их, бага хамаагүй ямар ч буян эмэгтэй хүний энергийг цэвэр утгаар нь илэрхийлнэ. Тусч сэтгэл буянаас ялгаагүй. Тусламж хэрэгтэй юмуу өлссөн хүмүүсийг хооллож байх. Хэрэгтэй үед цагийг олж гэдэг шиг өчүүхэн ч атугай зүйлээр бусдыг баярлуулж бай.

20. Тансаг үнэртэй тос уусгасан юм уу сарнайн дэлбээ, тайвшруулах давстай онгоцонд хэвтэх. Энэ бол зүгээр нэг амралт бус харин биедээ тайвшрал бэлэглэж, өөрөө дүүрэн энерги хүлээн авах арга юм.

21. Ойр дотныхоо хүмүүсийг зөөлөн дулаан үгсээрээ ч болов энхрийлэн халамжил. Хайртай хүмүүстээ хэр их анхаарал хандуулна төдий чинээ сайн энергиэр цэнэглэж байна гэсэн үг

Дурлан дурлан хайрламаар караоке

batbold — Tue, 04 Nov 2014 09:47:06 GMT

Дуулан дуулан жаргамаар сайхан дуу байна аа
Дурлан дурлан хайрламаар гоёхон бүсгүй еэ
Хүлээн хүлээн болзмоор хүний алаг үрээ чи
Хүрэн хүрэнхэн зүрхийг булиглуулах нь юуных вэ?

Дахилт:
Дэнжийн гоёхон цэцэгс бие биенээ шүргэлнээ ай хөө
Дээлний чинь энгэрээс гангын үнэр сэнгэнээд байна аа
Гэзэгний чинь үзүүр сэрэл хөдөлгөөд байна аа ай хөө
Гэнэ гэнэхэн сэтгэл минь чамайг харахаар догдлоод байна аа

Хараад хараад ханамгүй сайхан харц байна аа
Хайлан уяран суумаар аальхан бүсгүй еээ
Яаран яаран уулзмаар хүний алаг үрээ чи
Ямар янагхан төөргөөр чамтай би учраа вэ ?

Дахилт:
Дэнжийн гоёхон цэцэгс бие биенээ шүргэлнээ ай хөө
Дээлний чинь энгэрээс гангын үнэр сэнгэнээд байна аа
Гэзэгний чинь үзүүр сэрэл хөдөлгөөд байна аа ай хөө
Гэнэ гэнэхэн сэтгэл минь чамайг харахаар догдлоод байна аа

Энхрий туяхан биеийг чинь тэврэн тэвэрмээр ээ
Эмзэг нандин дурлалдаа үнэнч бүсгүй еээ
Ихэр сэмбэрүү атаархам хүний алаг үрээ чи
Итгэл сэтгэлээ сүлэн ханьсан суувал яалтай вэ

Дахилт:
Дэнжийн гоёхон цэцэгс бие биенээ шүргэлнээ ай хөө
Дээлний чинь энгэрээс гангын үнэр сэнгэнээд байна аа
Гэзгэний чинь үзүүр сэрэл хөдөлгөөд байна аа ай хөө
Гэнэ гэнэхэн сэтгэл минь чамайг харахаар догдлоод байна аа

Дэнжийн гоёхон цэцэгс бие биенээ шүргэлнээ ай хөө
Дээлний чинь энгэрээс гангын үнэр сэнгэнээд байна аа
Гэзгэний чинь үзүүр сэрэл хөдөлгөөд байна аа ай хөө
Гэнэ гэнэхэн сэтгэл минь чамайг харахаар догдлоод байна аа